Të shtunën nisën në Meksikë festimet për atë që quhet “Dia de los muertos” (Dita e të vdekurve).
Rrugët e Mexico City u mbushën me skeletë dhe “zombie”, si një akt mikpritjeje për të vdekurit, të cilët në kulturën meksikane nuk duhen pasur aspak frikë, përkundrazi, u duhet dhënë mundësia që të kthehen dhe të flasin me të gjallët për një ditë në vit.
Familjet, gjatë dy ditëve të këtij eventi, ngrenë altare dhe vendosin aty ushqime dhe pije për të parët e tyre.