Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Qyteza e mrekullueshme italiane jep banesa falas, por me një kusht

Nga A2 CNN
3 Nëntor 2019, 11:17 | Lifestyle

Një qytezë italiane jep banesa falas si një mënyrë për të afruar popullsi të re, por me një kusht.

Bëhet fjalë për Kamaratën, në ishullin e Siçilisë, aty ku shumë ndërtesa janë boshatisur. Kryebashkiaku Vincenzo Giambrone ka bindur pronarët e banesave që të dorëzojnë çelësat dhe godinat e vjetra të ripopullohen me banorë të rinj.

Kushti është që banesat të rinovohen, ndërsa për çiftet që kanë një fëmijë, do të ketë para’ bonus.

Banorët e rinj duhet të paguajnë 5000 euro si depozitë dhe ta rinovojnë shtëpinë brenda 3 viteve. Pasi të jetë kryer rinovimi, 5000 eurot do të kthehen mbrapsht.

Banesa mund të përdoret si shtëpi ose mund të kthehet në një biznes të tipit B&B, dyqan apo restorant. Çiftet që do të lindin fëmijë në Kamarata do të kenë 1000 euro bonus.

Kryebashkiaku tha për CNN Travel: “Nuk e shikoj dot bosh këtë vend të mrekullueshëm dhe historik. Më lëndon shumë”.

A2 CNN Livestream

Dita jonë