Kryeministri Edi Rama ka reaguar pas arrestimit të një personi, të dyshuar si autor i atentatit në Durrës, ku mbeti i plagosur Prokurori i këtij qyteti, Arjan Ndoja.
“Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit”, shkruan Rama në Twitter.
Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit?Brenda muajit Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda...
— Edi Rama (@ediramaal) November 5, 2019
Kryeministri paralajmëroi edhe masa speciale kundër grupit që ai e ka quajtur KÇK (kap çfarë të kapësh), në të cilin ka futur, siç ka thënë ai, “prokurorët që nuk e kanë kaluar vetting-un, që e dinë se nuk do ta kalojnë vetting-un”.
“Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetting-u”, shkroi Rama.
Për ngjarjen, Policia ka arrestuar deri tani një person të dyshuar si autor, 34-vjeçarin Redjan Rrahja.
dhe masat speciale kundër KÇK-së? Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetingu #DerinëFund #ZeroTolerancë
— Edi Rama (@ediramaal) November 5, 2019