Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Gjuha shqipe në shkolla, mësuesit: Tekst dhe provim më vete, i ndarë nga leximi

Nga A2 CNN
5 Nëntor 2019, 17:03 | Sociale
Gjuha shqipe në shkolla, mësuesit: Tekst dhe provim më vete, i

Prej vitesh bashkë me shqipen, nxënësit e arsimit  9-vjeçar mësojnë dhe letërsinë. Sipas orarit të shkollës, nxënësit një ditë zhvillojnë gjuhën dhe ditën tjetër lexim, në të njëjtin tekst.

Mësuesit këmbëngulin që gjuha shqipe dhe leximi të jenë lëndë dhe provim me vete. Kjo ndërhyrje e domosdoshme sipas tyre do të ndikojë në mësimin më të mirë të gjuhës amtare por dhe letërsisë.

“Duhet të ndahen si lëndë të veçanta, jo vetëm për të ruajtur vijueshmërinë kur studenti vjen në gjimnaz, por edhe për të theksuar më shumë përforcimin e përdorimit të gjuhës, sepse shikojmë defekte kur ata vijnë në gjimnaz”, thonë disa nga mësueset e intervistuara.   

https://a2news.com/2019/11/04/shqipja-urgjence-kombetare-gjuhetaret-qeveria-te-marre-masa-gjuha-po-deformohet/

Pas kërkesave të vazhdueshme të gjuhëtarëve, 3 vjet më parë ministria e Arsimit ndau si lëndë dhe tekst me vete gjuhën nga letërsia, por vetëm në shkollë të mesme.  Pedagoget e gjuhës  shqipe këmbëngulin se kjo politikë duhet të përfshijë arsimin e detyruar dhe atë të lartë.

Vetëm një ditë më parë studentët e gjuhës dhe letërsisë pranuan publikisht se nuk njihnin kohet e foljes, njohuri që mësohen në klasë të pestë.

https://a2news.com/2019/07/04/maturantet-me-dobet-ne-gjuhe-shqipe-asnje-10-absolute/

Burime jo zyrtare nga ministria e Arsimit  bëjnë të ditur se nuk ka nisma konkrete për ndarjen e gjuhës nga letërsia në Arsimin e detyruar apo shtrirjen e shqipes edhe në universitete.

Ndërkohë gjuhëtarët nuk ndalen në thirrjet ndaj qeverisë për t’i kushtuar shqipes politika të veçanta dhe financime për mbrojtjen e saj.

A2 CNN Livestream

Debat - nga Alba Alishani