Atentati në Durrës, Gjykata jep masën e sigurisë për Rrajën: Drejtësia të bëjë punën e saj

Ndërsa Redjan Rraja është arrestuar si një nga personat e dyshuar si autorë i atentatit në Shkozet të Durrësit, ku një nga 3 personat e plagosur ishte edhe prokurori Arjan Ndoja, prokuroria është në pritje të përgjimeve të qelizave telefonike.

Mësohet se Prokuroria e Krimeve të Rënda ka kërkuar përgjimet telefonike të aparateve celularë të sekuestruara Redjan Rrajës, për të parë nëse ai ka qenë ose jo në vendin e atentatit.

Kjo pritet të jetë dhe argumenti i prokurorëve për të provuar autorësinë e tij në atentatit ndaj prokurorit Ndoja.

Hetimi është përqendruar te zbulimi i bashkëpunëtorëve të tij në këtë ngjarje. Dyshohet se Rrahja nuk ka vepruar i vetëm.

Ndërkohë, Gjykata vlerëson të ligjshëm arrestimin e Redjan Rrajës dhe cakton masën e sigurisë “arrest me burg” ndaj tij.

Mësohet se në sallën e gjyqit Rrahja është shprehur: “Shpresoj që drejtësia të bëjë punën e saj”.

Shkarkoni aplikacionin e A2