Ndryshimi i emrit të një bulevardi po ndan thellësisht banorët e Kansas City, në SHBA. Këshlli Bashkiak i qytetit kishte vendosur t’i vendoste njërit prej bulevardeve historike të tij emrin e aktivistit të famshëm të vrarë në prillin e vitit 1968, një nga figurat simbolike të komunitetit afro-amerikan.
Vendimi nuk u morr aspak mirë nga një grup banorësh, që organizoi menjëherë një komitet i quajtur Save “El Paseo”, që është edhe emri tradicional i bulevardit, me origjinë meksikane, që është i gjatë rreth 16 kilometra.
Komiteti filloi të mblidhte shumë konsensus dhe kërkoi mbajtjen e një referendumi popullor, veçanërisht me pretendimin që fjala El Paseo është pjesë e traditës së qytetit, i cili tejkalon 1 milion e gjysmë banorë në pjesën e tij metropolitane, ndërkohë që Martin Luther King nderohet në qytet me emrin e një lulishteje qysh nga viti 1978.
Dje rezultatet e referendumit ishin të qartë, rreth 70% e votuesve ishin dakord me rikthimin e emrit origjinal El Paseo. Vendimi, në një qytet që etnikisht ndahet në 60% të bardhë dhe rreth 30% afro-amerikanë, po merr nota politike të theksuara , ku nuk mungojnë akuzat për racizëm nga ana e komunitetit afro-amerikan, edhe pse me “Save El Paseo” u bashkuan persona të etnive të ndryshme.
Janë pothuajse 900 rrugët e emëruara në nder të Martin Luther King, në Shtetet e Bashkuara, dhe studimet kanë treguar se rrugët me emrin e tij janë dhe më të varfrat dhe me shumicë afro-amerikane.