Shira të dendur në fund të vjeshtës, rrezik për përmbytje

Vjeshtën e vërtetë po e përjetojmë në nëntor. Reshjet kanë përfshirë të gjithë territorin e vendit dhe në disa zona si, Shkodër-Lezhë, Tiranë-Durrës dhe Vlorë-Gjirokastër, sasia e shiut i ka kaluar 100 mm.

Meteorologia e A2, Tanja Porja, tregon se situata sinoptike do të na shoqërojë deri në gjysmën e muajit, ku nuk përjashtohen as përmbytjet, por jo në përmasat e 4 viteve më parë.

Reshjet e dendura në kryeqytet kanë shkaktuar rritje të nivelit të Lanës dhe lumit të Tiranës. Nuk janë regjistruar përmbytje në qytete apo zonat përreth. Ndërkohë, ditët me shi e kthejnë Tiranën në një qytet kaotik për shkak të trafikut që krijohet në qarkullim.

Por duhet të mësohemi, pasi nëntori do të vijojë me reshje, ndërsa dimri pritet në fillim të 2020. Duke qenë se stina e ftohtë parashikohet të vijë me 2020, viti ku ndodhemi klasifikohet i treti më i nxehtë në historinë 100-vjeçare të matjeve globale. 

Shkarkoni aplikacionin e A2