Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Ngordh cjapi që kishte shok të ngushtë tigrin siberian

Nga A2 CNN
9 Nëntor 2019, 10:56 | Lifestyle

Një cjap që kishte tërhequr vëmendjen e mediave ndërkombëtare pasi ishte bërë shok me një tigër, ka ngordhur, por jo sepse e hëngri miku i tij.

Në vitin 2015, stafi i një parku safari në Rusi, e futi cjapin në rrethimin e tigrit për ushqim, por në vend që ta shqyente, tigri e bëri shok.

Ata flinin në të njëjtin rrethim, hanin dhe luanin së bashku. Tigri u përpoq madje ta mësonte cjapin se si të gjuante për ushqim. Gjithashtu, ata ndiqnin njëri-tjetrin për t’u argëtuar.

Tigri dhe cjapi jetuan bashkë në harmoni të plotë për disa kohë, derisa një ditë tigri e sulmoi shokun e tij pasi ky i fundit kishte nisur ta sfidonte dhe ta ngacmonte shpesh atë. Në janar të vitit 2016, tigri e humbi durimin kur cjapi e shkeli me këmbë. Ai e kapi cjapin dhe e hodhi nga një kodrinë.

Që nga ajo ditë shëndeti i cjapit u përkeqësua, por nga stafi i safarit bëjnë me dije se ai ngordhi për shkaqe natyrale.

A2 CNN Livestream

Dita jonë