Shqipëria ka nisur zyrtarisht përgatitjet për dy ndeshjet e fundit kualifikuese të Europianit 2020. Skuadra kuqezi zhvilloi seancën e parë në Durrës, me trajnerin Reja që nuk kishte në dispozicion grupin e plot.
Sulmuesi Florian Kamberi, risia e listës u stërvit me grupin, ndërsa munguan Bekim Balaj dhe Tomas Strakosha.
Sulmuesi vuan një dëmtim të lehtë, por pritet të jetë në dispozicion të ekipit. Më shqetësuese situata e portierit të Lacios.
Strakosha nuk u stërvit pasi vuan një dëmtim në bërryl, ndërsa është e paqartë nëse do të jetë në fushë për sfidën e datës 14 nëntor me Andorrën.
Fati i Shqipërisë është se me Etrit Berishën të gatshëm, porta mbetet reparti ku Kombëtarja ka luksin e dy titullarëve.