Duke uruar Arta Vorpsin për vendin në Gjykatën Kushtetuese, kryetari i grupit parlamentar socialist, Taulant Balla, tha se Presidenti Meta ka dashur që të dërgojë në Gjykatën Kushtetuese bashkëjetuesen e ish-deputetit demokrat, Enkelejd Alibeaj.
“Presidenti nuk ka hallin e afatit, ai ka ngulmuar që lista nga KED t’i shkojë me katër vetë, sepse ka parë që e katërta e renditur është një person tek e cila ai ka besim. Presidenti i Republikës do të çojë në Gjykatë Kushtetuese bashkëjetuesen e Alibeajt, kjo është troç. Nuk ka hall as afatin kushtetues, as kriteret”, tha Balla.