David Villa do të varë këpucët në gozhdë në fund të këtij sezoni.
Sulmuesi spanjoll, i cili luan në Japoni me Vissel Kobe, e dha lajmin në një konferencë për shtyp, ku u shfaq shumë i emocionuar.
Ish-lojtari i Valencias, Atletikos së Madridit dhe Barcelonës do të luajë ndeshjen e fundit në 2 janar 2020, nëse ekipi i tij do të arrijë finalen e Kupës së Perandorit.
Villa ka fituar gjatë karrierës së tij të suksesshme një Botëror dhe një Evropian me Spanjën, një Champions League, 3 tituj kampion në Spanjë, 3 Kupa Mbreti, 3 Superkupa Spanje dhe 1 Botëror Klubesh.