Për kapitenin Elseid Hysaj, sfida në “Elbasan Arena” kundër Andorrës është vendimtare për mbylljen e fazës kualifikuese të Europianit, pavarësisht se pas vetëm tri ditësh do të luhet takimi i madh me kampionët e botës, për më tepër në stadiumin e ri “Arena Kombëtare”.
“Të gjithë po flasin për ndeshjen me Francën, por ne të gjithë, trajneri dhe lojtarët e dimë mirë se ndeshja me Andorrës është më e rëndësishme se ajo me Francën”, tha Hysaj në konferencë për mediat. “Besoj se do të luajmë si ndaj Moldavisë, do të sulmojmë edhe të përpiqemi të mos marrim gol”.