Teksa në Kuvend kanë nisur diskutimet për projektbuxhetin e vitit të ardhshëm, në Tiranë ka mbërritur misioni i Posaçëm i Fondit Monetar Ndërkombëtar (FMN).
Përfaqësuesit e FMN-së kanë zhvilluar një takim me Guvernatorin e Bankës së Shqipërisë, Gent Sejko, ndërsa do të pritet në ditët në vijim edhe nga drejtuesit e Ministrisë së Financave.
Mësohet se në fokus të diskutimit do të jenë ecuria e ekonomisë, por edhe buxheti i vitit të ardshëm.
Ndërkohë, gjatë vizitës së fundit, FMN-ja kishte lënë edhe disa porosi për ekzekutivin, lidhur me shlyerjen e detyrimeve të prapambetura, si dhe monitorimin e vazhdueshëm të kontratave të Partneritetit Publik Privat, i evidentuar si një nga rreziqet që po pengon zhvillimin ekonomik të vendit.