Risia e listës së Kombëtares për ndeshjen e luajtur me Andorrën dhe atë të së dielës ndaj Francës ishte Florian Kamberi.
Megjithatë, sulmuesi 24-vjeçar që luan në Skoci me Hibernian nuk ka mundur të debutojë me kuqezinjtë në këto dy sfida.
Në ndeshjen ndaj Andorrës, Reja ishte i detyruar të mos e aktivizonte Kamberin, pasi ende nuk i kishte ardhur leja nga Zvicra, me të cilën kishte luajtur me ekipet e moshave, ndërsa tashmë mësohet se sulmuesi është larguar nga grumbullimi i Kombëtares.
Shkak për këtë është bërë një dëmtim që Kamberi ka pësuar në kavilje. Tashmë, debutimi me kuqezinjtë për 24-vjeçarin shtyhet për vitin e ardhshëm.