Sondazh: Çfarë ju bën të lumtur?
  • Arritjet personale 0%
  • Marrëdhëniet me të tjerët 0%
  • Paqja shpirtërore 0%
  • Paratë 0%

Hetimi për shkarkim, ambasadori i SHBA në BE implikon presidentin Trump

Nga A2 CNN
20 Nëntor 2019, 20:55 | Bota

Vazhdojnë seancat e hapura dëgjimore në Kongresin amerikan. Ambasadori i Uashingtonit në Bashkimin Europian, Gordon Sondland, u shpreh përpara komisionit hetimor për shkarkimin e presidentit Donald Trump, se Shtëpia e Bardhë dëshironte që Ukraina të bënte një njoftim publik për nisjen e një hetimi kundër djalit të Joe Biden, në këmbim të ndihmës financiare për ushtrinë.

 “A kishte shantazh në këmbim të diçkaje? Siç kam dëshmuar dhe më përpara, sa i përket telefonatës dhe takimit në Shtëpinë e Bardhë, përgjigja është ‘po’ ”. Më tej Sondland dëshmoi se bashkë me të tjerët veproi me udhëzim të Shtëpisë së Bardhë.

Ambasadori Sondland gjatë seancës dëgjimore

“Zoti Giuliani i përcolli Sekretarit Perry, ambasadorit Volker dhe të tjerëve se presidenti Trump kërkonte një deklaratë publike nga presidenti Zelensky që pranonte hapjen e një hetimi kundër Biden dhe zgjedhjet e 2016-ës”, deklaroi ai.

https://a2news.com/2019/11/20/hetimet-kunder-trump-4-deshmi-dramatike-ne-kongresin-amerikan/

Shumë zyrtarë të administratës Trump ishin në dijeni të bisedave mes Shteteve të Bashkuara dhe Ukrainës.

“Ne mbajtëm lidershipin e Departamentit të Shtetit dhe Këshillin e Sigurisë Kombëtare të informuar për veprimet tona. Ata e dinin ç’po bënim”, saktësoi Sondland.

https://a2news.com/2019/11/14/seancat-publike-ne-kongres-diplomatet-e-larte-trump-abuzoi-me-pushtetin/

Kjo ishte një tjetër dëshmi, që rëndon pozicionin e presidentit Trump në hetimin për shkarkimin e tij. Në bazë të këtij hetimi, është pikërisht dyshimi që kreu i Shtëpisë së Bardhë i bëri presion Ukrainës për të nisur një hetim për të dëmtuar imazhin e rivalit Biden.

A2 CNN Livestream

Ditari nga Denisa Pasholli