Gazetari i A2, Jul Kasapi, i cili udhëtoi në Siri në kampin famëkeq Al-Hawl, ku qëndrojnë qindra fëmijë dhe gra të luftëtarëve të ISIS, të vrarë apo të burgosur, shprehet se asnjëra nga grate shqiptare nuk ishte e radikalizuar.
“Unë besoj se edhe shteti i ka mundësitë për rehabilitimin e tyre nëse do të kishte radikalizim. Por unë ju them se asnjëra nuk ishte e radikalizuar. Kemi dëgjuar që shteti shqiptar po punon, por nuk e dimë ku ka mbërritur. Minimalisht, ministri i Brendshëm mund të kontribuojë sadopak për ndihmën që mund t’u jepet fëmijëve. Shteti duhet të bëjë më shumë", deklaroi Jul Kasapi.
"Ende nuk dimë deri ku ka arritur puna e shtetit, por lista është një ndihmesë e madhe për strukturat shqiptare. Aty ka edhe emra që janë me shtetësi kosovare dhe maqedonase, por mbeten për t’u verifikuar”, theksoi gazetari i A2.