Kukësi ka mundur 2-1 Bylisin në ndeshjen e javës së 13 të Kategorisë Superiore, duke e kapërcyer në renditje për të kapur kështu vendin e dytë, vetëm një pikë larg Partizanit.
Vendasit shënuan nga një gol për pjesë, me Abazajn në të 22’ dhe Rrocën në të 74’, ndërsa barazimin e përkohshëm për ballshiotët e realizoi Guindo, një minutë para fundit të pjesës së parë. Humbja e dytë rresht për Bylis, pas asaj kundër Skënderbeut.
Ndërkohë, në ndeshjen, Flamurtari dhe Luftëtari ndanë nga një pikë në Vlorë. Rrapo shënoi i pari për miqtë në të 54’, por Nikaj arriti të barazonte në minutën e dytë shtesë duke mbyllur takimin në 1-1.