Presidenti Ilir Meta ka dekoruar Organizatën e Veteranëve të Luftës Antifashiste Nacional-Çlirimtare, me rastin e 75-vjetorit të Çlirimit të Shqipërisë.
“Kam kënaqësinë të ndaj me ju vendimin tim për të nderuar, në kuadër të 75-vjetorit të Çlirimit të Shqipërisë, Organizatën e Veteranëve të Luftës Antifashiste Nacional-Çlirimtare, me Dekoratën e lartë "Nderi i Kombit". Gjaku për Çlirimin e Atdheut nuk mund të bëhet ujë!”, shkruan Presidenti në një status në Facebook.
“Për kontributin e pashembullt që ka dhënë dhe jep kjo organizatë në mbrojtjen e idealit të luftës për liri dhe transmetimit të brezave të rinj të vlerave, sakrificave dhe vetëmohimit të treguar gjatë epopesë së lavdishme të luftës nacionalçlirimtare”, shkruhet në dekoratën e akorduar nga Meta.