Ministrja e Shëndetësisë dhe Mbrojtjes Sociale Ogerta Manastirliu deklaroi se vetëm në Durrës po marrin shërbim në spitale 176 qytetarë, ndërkohë që në kompleks “në spitalet e Tiranës, Durrësit, Krujës, Kurbinit dhe Lezhës kanë marrë shërbim mbi 600 të lënduar si pasojë e tërmetit”.
Sipas ministres, ekipet mjekësore aktualisht janë në gjendje gatishmërie të plotë, dhe janë marrë masa për furnizimin me medikamente dhe materiale mjekësore.