Ndërkohë që situata e krijuar pas tërmetit të së martës është shumë e vështirë, shumë njerëz dhe institucione iu janë bashkuar nismave për të kontribuar për personat e prekur nga kjo fatkeqësi.
Ndër to është dhe Drejtoria e Portit të Vlorës, e cila së bashku me punonjësit e saj kontribuan me 333, 385 lekë në llogarinë "Kontribute vullnetare, Emergjenca".
Furgonët e Portit Vlorë janë nisur drejt Durrësit me ndihma ushqimore dhe veshmbathje për banorët në zonat e prekura të tërmetit dhe punonjësit po dhurojnë gjak për të plagosurit pranë bankave të gjakut.