Në zonën e ish-Kënetës, pasojat e tërmetit në banesa shtojnë dhe më shumë panikun në njerëz.
Godina gjysmë e prishur e Shukrie Mirselit ka shtuar frikën e fqinjëve, të cilët kërkojnë ndërhyrjen e autoriteteve.
“Kemi frikë se mos na zë poshtë godina 4-katëshe që është dëmtuar pranë nesh. Na bie mbi shtëpi po ra prapë tërmet”, thotë një banore.
Ndërsa vetë Shukria thotë: “Shteti të vejë dorën në zemër. Po bëhemi me fjalë edhe me fqinjët. Unë nuk doja, me zor e ndërtova shtëpinë, me lekë djerse. Të hiqet të paktën pjesa që rrezikon fqinjët. Të marrë masa për strehimin tonë”.