Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Hidhet shorti Euro 2020, përballje titanësh në Grupin F

Nga A2 CNN
30 Nëntor 2019, 18:44 | Futboll

Në kryeqytetin rumun të Bukureshtit është hedhur pasditen e së shtunës shorti për grupet e kampionatit europian të futbollit Euro 2020.

Për herë të parë në këtë kompeticion do të marrin pjesë 24 ekipe europiane të cilat u ndanë në 6 grupe.

Një përballje vërtetë e vështirë do të jetë në grupin F të këtij kompeticioni ku Franca, Portugalia dhe Gjermania do të përballen mes njëra tjetrës. Ndeshja e parë e Europianit do të jetë ajo mes Turqisë dhe Italisë.

Risia e këtij viti është që ndeshjet e finaleve të Europianit nuk do të luhen vetëm në një vend, por në 12 qytete të ndryshme evropiane. Shorti mund të quhet i paplotë pasi janë ende 3 ekipe që duhet të plotësojnë 24-shen pasi të luajnë në fazën play-off të Ligës së Kombeve që përfundojnë në muajin mars.

Grupi A, Turqi, Zvicër, Itali, Uells.

Grupi B, Belgjikë, Rusi, Danimarkë, Finlandë

Grupi C, Holandë, Ukrainë, Austri, (Gjeorgji, Maqedonia e Veriut, Kosovë ose Bjellorusi)

Grupi D, Angli, Kroaci, Çeki, (Skoci, Norvegji, Serbi ose Israel)

Grupi E, Spanjë, Poloni, Suedi, (Bosnje, Sllovaki, Irelandë, Irelandë e Veriut)

Grupi F, Gjermani, Francë, Portugali, (Islandë, Bullgari, Hungari ose Rumani)

A2 CNN Livestream

Dita jonë