Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Identifikohet autori i sulmit me thikë në Londër, një ish i dënuar për terrorizëm

Nga A2 CNN
30 Nëntor 2019, 09:16 | Bota

Dy persona u vranë me thikë, ndërsa tre të tjerë u plagosën gjatë së premtes në qendër të Londrës, pas një sulmi terrorist, i cili u mbyll me vrasjen e autorit nga policia.

Një ditë më pas, policia ka bërë të mundur identifikimin e autorit të sulmit. Ai është 28-vjeçari Usman Khan, i cili ishte dënuar për terrorizëm në vitin 2012, ndërsa ishte lënë i lirë një vit më parë.

Neil Basu, një zyrtar i policisë, tha se autori i këtij sulmi u la i lirë në dhjetor 2018, ndërsa do të qëndronte në monitorim nga ana e policisë.

Policia është duke zhvilluar një operacion në zonën e Staffordshire, atje ku Khan dyshohet të ketë jetuar pas daljes nga burgu.

Sulmi nisi të premten në orën 13:48, sipas asaj lokale, në veri të urës së Londrës, ku po zhvillohej një konferencë e Universitetit të Kembrixhit për rehabilitimin e të burgosurve. Autori kishte marrë pjesë në këtë ngjarje ku të pranishëm ishin shumë studentë dhe ish-të burgosur.

https://a2news.com/2019/11/29/pas-londres-tjeter-sulm-me-thike-kete-here-ne-hage/

A2 CNN Livestream

Ditari nga Bruna Çifligu