Godina e shkollës së mesme “Sami Frashëri” në Tiranë është një nga më të dëmtuarat nga tërmeti i 26 nëntorit që goditi disa qytete në vend.
Ndërkohë, burime jo zyrtare nga ministria kanë bërë të ditur se 26 shkolla kanë pësuar dëmtime të rëndë nga tërmeti në Tiranë, Durrës, Krujë dhe Laç.
Një ditë më parë, ministrja e Arsimit, Besa Shahini, në një konferencë për shtyp, njoftoi se mësimi në Qarkun Durrës do të pezullohet deri në 9 dhjetor, ndërkohë që në Qarkun Tiranë dhe Lezhë pezullohet deri në 5 dhjetor.