300 mijë euro për Shqipërinë nga besimtarët myslimanë të Kosovës – A2

300 mijë euro për Shqipërinë nga besimtarët myslimanë të Kosovës

Vazhdon solidariteti i qytetarëve të Kosovës ndaj Shqipërisë. Kryesia e Bashkësisë Islame njoftoi se pas lutjeve të së premtes së kaluar, besimtarët i janë përgjigjur masivisht thirrjes për të kontribuar për të prekurit e tërmetit të 26 nëntorit.

Myslimanët e Kosovës kanë dhuruar gjithsej 304 mijë euro, që do t’i dhurohen Shqipërisë dhe do të bëhen pjesë e fondit për rindërtimin e zonave të shkatërruara.

Imamët e të gjitha xhamive të Kosovës folën në ligjëratat e tyre për vlerat e dhurimit dhe kërkuan ndihmë për motrat dhe vëllezërit nga Shqipëria.