Sekuestrohen 57 mijë euro në Vlorë – A2

Sekuestrohen 57 mijë euro në Vlorë

Një shumë prej 57 mijë eurosh para “cash” janë sekuestruar nga Policia Kufitare e Vlorës, ndërsa procedohet penalisht poseduesi i tyre, pasi nuk i deklaroi në kufi.

Policia ka bërë të ditur se, pas kontrollit në vijën e dytë të një automjeti me targë gjermane, kanë konstatuar të fshehura në brendësi të mjetit dy pako të mbështjella, brenda të cilave kishte një sasi eurosh të padeklaruara në kufi.

Nga verifikimet e mëtejshme rezultoi se në automjet ishin fshehur rreth 57000 euro. Drejtuesi i mjetit, shtetasi E. P., 29 vjeç, banues në Kukës është shoqëruar drejt Drejtorisë Vendore të Policisë Vlorë dhe në përfundim të veprimeve u procedua penalisht në gjendje të lirë, për veprën penale “Mosdeklarimi në kufi i të hollave dhe sendeve me vlerë”.