Një guidë safari ka arritur që të kapë në video momentin kur një antilopë e vogël sulmon një leopard, gjatë përpjekjes për t’i shpëtuar grabitqarit.
Andre Fourie e ka xhiruar të gjithë skenën në Parkun Kombëtar Kruger, në Afrikën e Jugut.
Leopardi duket që po luan me prenë e tij në momentin që e kupton se ajo nuk e ka shpejtësinë e duhur për t’i shpëtuar. Ndërsa antilopa e vogël nis sulmet kur e ka të qartë se nuk i largohet dot grabitqarit.
Personi që xhiroi këtë skenë thotë se përfundimi ishte ai që pritej: leopardi e hëngri antilopën pasi u mërzit së luajturi me të.