Inspektorati Kombëtar i Mbrojtjes së Territorit ka vijuar me prishjen e ndërtesave të shpallura të pabanueshme në Tiranë, pas tërmetit shkatërrimtar të 26 nëntorit.
Radha për t’u prishur këtë të dielë i erdhi godinës nr.15 në Qytetin Studenti, e cila ishte e banuar nga familjarë dhe që Këshilli Bashkiak vendosi shembjen e saj për shkak të dëmeve të pasuara.
Shembja e godinës nr.15 u bë me mjete të rënda dhe jo shpërthim të kontrolluar, kjo për shkak dhe të objekteve të tjera që ndodheshin pranë saj.
Për banorët e këtij objekti në Qytetin Studenti, Bashkia e Tiranës ka dhënë një bonus qiraje për një vit.