Ndonjë herë indiferenca e njerëzve bën që karakteri i një personi të dalë në pah. Është kjo historia që tregojnë pamjet e filmuara në repartin e gjinekologjisë në spitalin e qytetit Hegang, në pjesën veri-lindore të Kinës.
Një çift pret në radhë vizitën e mjekut, ndërkohë që gruas shtatzënë asnjëri nuk i liron vendin për të ulur. Pasi burrë e grua presin disa minuta në këmbë, gjendja e rënduar e saj shtrëngon burrin të ulet në gjunjë, duke u shndërruar në një karrige për bashkëshorten.
Pamjet e shpërndara nga policia vendore me nëntitullin “indiferencë” u bënë virale, ku pjesa më e madhe e publikut u përqendrua te karakteri i burrit, ndërkohë që një pjesë tjetër kritikoi indiferencën e personave përreth, që shtrënguan të riun të shndërrohej në ”mobilje” falë dashurisë.