Një kampione ruse e “bodybuilding” është shprehur se nuk ka rëndësi fakti që burri ka një biceps më të vogël sesa ajo, sepse “dashuria reciproke” është gjëja e vetme që i duhet një lidhjeje të lumtur.
28-vjeçarja Nataliya Kuznetsova, nga Chita, ka nisur të stërvitet që në moshën 14-vjeçare dhe u shpall kampione e rajonit të saj kur ishte 15 vjeç.
Në një intervistë ekskluzive për “Golder's News and Sport”, Kuznetsova u shpreh kështu për bashkëshortin e saj 42-vjeçar, të cilin e ka njohur përpara 10 vitesh: “Edhe ai merret me palestër, por e ka bicepsin më të vogël se unë. Por, dashuria reciproke dhe mbështetja që i japim njëri-tjetrit janë më të rëndësishme. Kemi një marrëdhënie të lumtur”.