“Do të shënjestrohet korrupsioni në nivele të larta”, Ambasada Amerikane tregon se si do të funksionojë SPAK – A2

“Do të shënjestrohet korrupsioni në nivele të larta”, Ambasada Amerikane tregon se si do të funksionojë SPAK

Ambasada Amerikane, me anë të një videoje të postuar në rrjetet sociale, ka treguar se si do të funksionojë Struktura e Posaçme Anti-Korrupsion dhe Krim i Organizuar (SPAK).

“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë. Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur”, lexohet në postimin e Ambasadës Amerikane.