Eno Peçi nderohet me Çmimin Austriak për Shkencë dhe Art – A2

Eno Peçi nderohet me Çmimin Austriak për Shkencë dhe Art

Eno Peçi ishte i pari balerin shqiptar që performoi live në Koncertin e Vjenës. Ishte fillimi i vitit 2014, kur “primo balerini” nga Akademia e Baletit të Tiranës, i shkolluar më pas edhe në Shkollën e Baletit të Operës Shtetërore të Vjenës, u ngjit në skenë dhe u duartrokit si asnjë shqiptar më herët.

Sot, atë e kemi një ndër ambasadorët më të mirë shqiptarë në Vjenë, aty ku ai jeton e punon. Sot, artistin shqiptar e kanë vlerësuar me Çmimi Austriak për Shkencë dhe Art “Österreichischen Ehrenkreuzes für Wissenschaft Und Kunst”.

Këtë ngjarje e ka shpërndarë vetë artisti në faqet zyrtare që ka në rrjetet sociale ndërsa shpreh falënderimet për vlerësimin. Eno Peçi, me këtë çmim nuk është më vetëm baleirin që vlerësohet nga kritikët. Ai është rritur shumë, Eno Peçi tanimë është një koreograf, shfaqjet e të cilit duartrokiten në skena ndërkombëtare.