Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Hetimet pas tërmetit, 9 të arrestuar dhe 8 në kërkim nga Policia e Durrësit

Nga A2 CNN
14 Dhjetor 2019, 08:55 | Aktualitet
Hetimet pas tërmetit, 9 të arrestuar dhe 8 në kërkim nga

Policia e Durrësit ka nisur që në orët e para të mëngjesit të kësaj të shtune një valë shoqërimesh dhe arrestimesh të drejtuesve lokale, institucioneve shtetërore, por edhe të inxhinierëve dhe ndërtuesve në rrethin e Durrësit.

Pas verifikimeve paraprake të Prokurorisë, policia ka ekzekutuar 9 urdhër-arreste, për akuzat e shpërdorimit të detyrës “vrasje me dashje” dhe “vrasje në rrethana cilësuese”.

Personat e ndaluar

1-Arben Isaku, 42 vjeç, me detyrë ish-drejtor i ALUIZNI-it Durrës, i dyshuar si autor i veprës penale "Shpërdorimi i detyrës”.

2-Klajdi Lame, 32 vjeç, në cilësinë e inspektorit të Inspektoratit Ndërtimor Urbanistik Durrës, në objektin pallat 6- katësh, i cili ndodhet në lagjen Nr. 6, rruga “Shoqëria Bashkimi”, ku humbën jetën dy shtetase, i dyshuar si autor i veprës penale “Shpërdorimi i detyrës”.

3-Albrend Qetka, 35 vjeç, në cilësinë e specialistit të verifikimit në terren pranë ALUIZNI-it, Durrës, në objektin pallat 6- katësh, i cili ndodhet në lagjen Nr. 6, rruga “Shoqëria Bashkimi”, ku humbën jetën dy shtetase, i dyshuar si autor i veprës penale “Shpërdorimi i detyrës”.

4-Kujtim Hasa, 53 vjeç, në cilësinë e shefit të shërbimeve të shtëpisë së pushimit të Ministrisë së Brendshme, i dyshuar si autor i vepres penale “Vrasja                me         dashje”.

5-Ahmet Doda, 52 vjeç, në cilësinë e drejtorit të shtëpisë së pushimit të Ministrisë së Brendshme, i dyshuar si autor i veprës penale “Shpërdorimi i detyrës”.

6-Rruzhdi Xheka, 79 vjeç, në cilësinë e ndërtuesit informal në objektin “Hotel Mira Mare”, ku humbën jetën 2 shtetas, i dyshuar si autor i veprës penale “Vrasja në rrethana të tjera cilësuese”.

7-Avdulla Osmani, 61 vjeç, në cilësinë e ndërtuesit informal të legalizuar më vonë në mënyrë të paligjshme të objektit “Hotel Tropikal”, ku humbën jetën 2 shtetas kosovarë, i dyshuar si autor i veprës penale “Vrasja në rrethana të tjera cilësuese”.

8-Defrim Celami, 44 vjeç, në cilësinë e specialistit që ka përpiluar aktin e ekspertimit teknik në objektin pallat 6- katësh, i cili ndodhet në lagjen Nr. 6, rruga “Shoqëria Bashkimi”, ku humbën jetën dy shtetase, i dyshuar si autor i veprës  penale  “Shpërdorimi i detyrës.

9- Nevjana Isufi, 45 vjeçe, e cila me studion e saj private hartonte projekte fiktive, e dyshaur si autore e veprave penale “Shpërdorimi i detyrës” dhe “Falsifikimi i dokumenteve”.

https://a2news.com/2019/12/14/arrestimet-pas-termetit-reagon-paloka-rama-e-nxori-gjushin-serish-akullore/

Prokuroria dhe Policia po vijojnë punën për identifikimin e personave të tjerë të dyshuar që mund të kenë konsumuar vepër penale në pasojat e ardhura nga tërmeti.

A2 CNN Livestream

Dita jonë