Dhjetëra gazetarë dhe pjesëtarë të shoqërisë civile janë mbledhur para selisë së Kuvendit për të kundërshtuar draftligjin që pritet të kalojë sot i njohur ndryshe si “paketa anti-shpifje”.
Gazetarët e konsiderojnë dr/ligjin si një censurë dhe një dhunim që i bëhet fjalës së lirë dhe prej ditësh kërkojnë nga mazhoranca të reflektojë. Paketa anti-shpifje, përveç organizatave të medias është kundështuar dhe nga ndërkombëtarët. Gazetarët kundërshtojnë tarifat e larta, kompetencat e forta që marrin Autoriteti i Komunikimeve Elektronike dhe Postare dhe Autoriteti i Medias Audiovizive mbi median.
Vetë marrëdhënia mes tyre sipas gazetareve është problematike dhe mund të përdoret nga pushteti për censurë.