Lëkundjet e tokës pas tërmetit të 26 nëntorit janë më të rralla këto ditë, por rreth orës 17:00 të kësaj të enjteje një tjetër tërmet është ndjerë në Tiranë, Durrës dhe Fushë-Krujë.
Epiqendra e tërmetit, sipas raportit të Institutit të Gjeoshkencave, ka qenë në Maminas, me magnitudë 4,3 i shkallës Rihter, 9 km në veri të Durrësit, me thellësi 29 kilometra.
Nuk ka pasur raportime për dëme dhe duket se kjo ishte një nga pasgoditjet e tërmetit tragjik të nëntorit, që la pas 51 viktima.