Vijon të zhgënjejë akoma dhe më shumë, javë pas jave, Manchester United. Pas barazimit të javës së kaluar në shtëpi me rezultatin 1-1 përballë Everton, “Djajtë e Kuq” u mundën këtë të dielë 2-0 dhe nga Watfort, i cili renditet i fundit në klasifikim.
Për Watford, ky trepikësh ishte mjaft i rëndësishëm nëse ka ndër mend të qëndrojë edhe sezonin e ardhshëm në Premier League.
Golat për ekipin e Watford u shënuan në pjesën e dytë nga Sarr dhe Deneey, ndërsa ekipi i Solskjaer ishte i pafuqishëm të reagonte. Me këtë humbje pozitat e norvegjezit në stolin e Manchester United duket se janë lëkundur ndjeshëm.