Policia britanike bën me dije se ka arrestuar një person, në një lagje rezidenciale të kryeqytetit, gjatë një operacioni kundër terrorizmit.
Personi i arrestuar është një i ri 21 vjeçar, i cili akuzohet për “nxitje, përgatitje apo pjesëmarrje në një akt terrorizmi”. Ai u transferua në stacionin e policisë dhe aktualisht ndodhet nën arrest.
Gjithashtu, policia ushtroi kontroll dhe në banesën ku u arrestua 21 vjeçari. Deri tani nuk ka detaje për identitetin e personit të arrestuar për terrorizëm.