Edhe pse këtë të shtunë zbritën emra të mëdhenj në FA Cup në Angli, vëmendjen e rrëmbeu një gol i shënuar nga Rochdale e kategorisë së tretë, në ndeshjen e mbyllur 1-1 me Newcastle.
Skuadra e Premier League shënoi që në pjesën e parë dhe u mendua se do të ishte një fitore e lehtë për ta, por nuk rezultoi kështu.
Vendasit rezistuan dhe ndërsa takimi po arrinte drejt fundit, dolën në skenë dy lojtarë, më i riu dhe më i vjetri në fushën e lojës.
Aaron Wilbraham, i lindur në vitin 1979 dhe Luke Matheson, i lindur në vitin 2002. Një diferencë prej 23-vjetësh.
Matheson tregon freskinë e tij duke marrë krahun, më pas një asist për Wilbraham, i cili vë në zbatim përvojën e tij duke e dërguar topin në rrjetë. Një gol në moshën 40-vjeçare ndaj një skuadre të Premier League nuk do të harrohet kurrë nga ai.
Megjithatë, për të mësuar skuadrën e kualifikuar për në fazën e ardhshme të FA Cup duhet të presim ndeshjen e ardhme që do të luhet tashmë në fushën e Newcastle.