Zbulohet lista e veteranëve të Kombëtares shqiptare që do të marrin pjesë në miqësoren e bamirësisë që do të luhet më 10 janar në stadiumin “Air Albania”, ku synohet të mblidhen të ardhura për të prekurit nga tërmeti i 26 nëntorit.
Andi Lila ka publikuar në Instagram listën e futbollistëve që do të përfaqësojnë Shqipërinë. Aty bëjnë pjesë emra si Tare, Cana, Rraklli, Strakosha, etj., por edhe dy ish-futbollistë shqiptarë nga Maqedonia e Veriut.
Në këtë miqësore janë ftuar italianët kampionë bote në vitin 2006, grekët kampionë Evrope në 2004 dhe turqit që shkuan deri në gjysmëfinalet e Botërorit të vitit 2002.