Duket se ka rezultuar pozitiv takimi i fundit mes kreut të Vetëvendosje, Albin Kurti dhe atij të LDK, Isa Mustafa për krijimin e qeverisë së re, pas ngërçit të krijuar në ditët e fundit në lidhje me ndarjen e pushtetit.
Deputeti i LDK, Avdullah Hoti përmes një postimi në faqen e tij në Facebook bën me dije se ka një lëvizje në arritjen e marrëveshjes për bashkëqeverisje mes LVV-së dhe LDK-së.
“Kemi lëvizje në arritjen e marrëveshjes për bashkëqeverisje në mes të dy partive. Nesër takohemi prapë”, shkruan Hoti.
Të njëjtën gjë e konfirmon edhe Vetëvendosje përmes një komunikate, ku bën me dije se ka një përafrim në bisedime për formimin e koalicionit qeveritar, ndërsa të enjten do të takohen përsëri.