Sondazh: Destinacionet e fundjavave tuaja janë:
  • Bregdeti 50%
  • Zonat malore 50%
  • Qendrat historike 0%

Shkarkimi i Presidentit, A2 zbardh pyetjet finale për Komisionin e Venecias

Nga A2 CNN
10 Janar 2020, 16:21 | Politikë

8 janë shkeljet e reja kushtetuese që ka kryer Presidenti, sipas mazhorancës, për të cilat duhet hetuar dhe shkarkuar.

4 në refuzimin për të bërë betimin e Arta Vorpsit si anëtare të Gjykatës Kushtetuese dhe 4 të tjera në emërimin në vend të saj të Marsida Xhaferllarit.

Të detajuara argumentet e Komisionit Hetimor kundër Presidentit, shoqërojnë kërkesën për opinion drejtuar Komisionit të Venecias. A2 ka siguruar pyetjet që më 30 dhjetor, nën firmën e Gramoz Ruçit, i janë përcjellë Komisionit të Venecias.

Janë 6 pyetje dhe kanë pësuar ndryshime nga ato që u lexuan në mbledhjen e fundit të Komisionit Hetimor të drejtuar nga Ulsi Manja për shkarkimin e Presidentit. Ekspertët e Venecias pyeten nëse është i ligjshëm emërimi i një gjyqtari kushtetues, pas 30 ditëve që parashikon ligji dhe jashtë listës së Këshillit të Emërimeve në Drejtësi, siç ndodhi në rastin e Marsida Xhaferllarit.

Sa legjitime janë vendimmarrjet e një gjykate të plotësuar në një mënyrë të tillë dhe a konsiderohet i emëruar një gjyqtar të cilin presidenti refuzon ta emërojë?

Edhe forma e ndjekur nga Arta  Vorpsi për të bërë betimin te noteri është objekt interpretimi nga Venecia.

Në shkresën drejtuar Xhani Bukikios, parashtrohet e gjitha situata për plotësimin e vakancave në Gjykatën Kushtetuese: që nga shpallja e tyre deri tek refuzimi i presidentit për të emëruar anëtarin e tij të dytë para se Kuvendi të zgjidhte emrin e tij të parë. Në dokument renditen edhe akuzat e kreut të shtetit për Këshillin e Emërimeve në Drejtësi, si dhe pretendimet e mazhorancës se ai e dubloi këtë këshill.

Sipas mazhorancës, Arta Vorpsi është anëtarja legjitime e Gjykatës Kushtetuese dhe vendimmarrjet, ku e përzgjedhura e Presidentit, Xhaferllari merr pjesë, rrezikojnë shpallen të pavlefshme në një moment të dytë.

Por edhe presidenca ka njoftuar se do t’i drejtohet Venecias për shkeljet qe pretendon se Kuvendi ka kryer në këtë proces, ndërsa ka kallëzuar penalisht edhe kryetarin e KED-së, Ardian Dvorani. 

https://a2news.com/video/venecia-publikon-raportin-final-per-presidentin-tejkalim-i-mundshem-kompetencash-por-jo-per-shkarkim/
https://a2news.com/2020/01/08/venecia-serish-ne-tirane-mision-faktmbledhes-per-presidentin/

A2 CNN Livestream

Ditari nga Bruna Çifligu