Sipas gazetës sportive spanjolle AS, Enrique Setién Solar është kandidati kryesor për t’u ulur në stolin e Barcelonës.
Ish-trajneri i Lugo, Las Palmas dhe Betis po negocion me drejtuesit e klubit katalanas për të zëvendësuar Ernesto Valverden.
Fakti që Mauricio Pochettino nuk ishte opsioni më i mirë për tifozët, ka bërë që drejtuesit të mendojnë për Quique Setien, i cili preferon lojën me shumë pasime, të njëjtën lojë që e ka bërë Barcelonën e dekadës së fundit shumë të suksesshme.