Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Eksportet në krizë, tkurren me 3.8%. Ekspertët: Rrezik për ekonominë

Nga A2 CNN
17 Janar 2020, 15:41 | Ekonomi

Eksportet shqiptare kanë rënë me 110 milionë euro gjatë vitit 2019. Të dhënat e fundit të Instat tregojnë se mallrat e shitura jashtë vendit u tkurrën me 3,8% kundrejt një viti më parë. 

Rënia më e ndjeshme vjen nga grupi “materiale ndërtimi dhe metale” si dhe energjia elektrike, për shkak të mungesës së reshjeve. Për ekspertët, situata është alarmante dhe kërkohet ndërhyrje e menjëhershme. 

Ndërkaq, gjeografia e shkëmbimeve tregtare nuk ka pësuar ndonjë ndryshim të madh. Italia vijon të mbetet partneri kryesor tregtar i Shqipërisë, ndjekur nga Greqia, Kina dhe Turqia.

Prodhimi i tekstileve dhe këpucëve që përbëjnë një nga zërat kryesorë të eksporteve ka parë po ashtu një tkurrje gjatë gjithë vitit. Luhatjet e vazhdueshme të kursit të këmbimit, mosrimbursimi i TVSH-së dhe së fundmi tërmeti i 26 Nëntorit ka penalizuar më tej kompanitë fasone. 

A2 CNN Livestream

Dita jonë