Edhe pse me një fazë përgatitore me buxhet më të vogël krahasuar me klubet pretendente për titull, Vllaznia nuk mbetet prapa në merkato.
Klubi shkodran ka zyrtarizuar dy futbollistë në pak orë, të cilët janë prezantuar dhe janë bashkuar menjëherë me ekipin.
Kuqeblutë kanë zgjedhur të përforcojnë repartin ofensiv duke firmosur me dy sulmues: Simeon Hristov nga Maqedonia e Veriut dhe Eugeniu Sidorenko, pjesë e kombëtares moldave.
Futbollistët kanë nënshkruar me klubin e Vllaznisë një kontratë 1-vjeçare.