Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Më 14 janar një ngjarje dramatike mund të ketë ndodhur në univers, por asnjëri nuk di ende çfarë

Nga A2 CNN
22 Janar 2020, 10:37 | Lifestyle

Asnjëri prej nesh nuk e ka kuptuar por më 14 janar një event tejet i rëndësishëm mund të ketë ndodhur në Univers. Themi “mund”, sepse asnjë nga astronomët që e kanë sinjalizuar nuk ka arritur të kuptojë çfarë ka ndodhur realisht.

Por diçka është e sigurt. Atë ditë jo një, por tre observatorë astronomikë, të quajtur Laser Interferometer Gravitational-Wawe (LIGO) dhe të ndodhur në shtetin e Washintonit, në Louisiana dhe në Itali kanë kapur të njëjtin sinjal misterioz, ku për 14 milisekondë valë gravitacionale dhe shtrembërime në raportin hapësirë-kohë kanë përfshirë edhe planetin tonë.

Por burimi i kësaj anomalie kozmike ende nuk dihet. Hipotezat janë të shumta, dhe kryesoret përfshijnë përplasjen e dy vrimave të zeza, ose eventin madhor të “vdekjes” së një ylli.

Një nga observatorët e përfshirë

Të dy hipotezat kanë edhe pikëpyetjet e tyre, nga momenti që përplasja e vrimave të zeza do të krijonte një event më të zgjatur në kohë, ndërkohë që shpërthimi i një supernove, pra faza e fundit që çon në vdekjen e një ylli, nuk do të ishte një event aq i paparashikuar. Astronomët presin që diçka e tillë mund të ndodhë relativisht shpejt me yllin Betelgeuse, por deri më tani nuk ka shenja të dukshme, dhe atë yll e shohim çdo natë në qiellin tonë.

Observatorët ende nuk kanë shpërndarë të dhënat përfundimtare të sinjalit, por siç thotë dhe një nga astronomët e përfshirë, “universi na habit gjithmonë. Mund të kenë ndodhur evente që prodhojnë këto valë magnetike, dhe ne as nuk i kemi imagjinuar ndonjëherë që ekzistojnë”.

A2 CNN Livestream

Debat - nga Alba Alishani