Si ka ndryshuar ndër vite perceptimi i korrupsionit në Shqipëri, sipas Transparency International? Shkalla e vlerësimit të kësaj organizate ndërkombëtare është 0 pikë për korrupsionin në nivel maksimal dhe 100 pikë për nivelin minimal.
Në vitin 2005, me ardhjen e demokratëve në pushtet, ky perceptim ishte në nivelin e 24 pikëve. Situata u përmirësua deri në vitin 2009, kur Shqipëria u vlerësua me 32 pikë.
Me aleancën PD-LSI u regjistrua një përkeqësim i lehtë, duke zbritur pikëzimin në 31 pikë. Në vitin 2013, me ndryshimin e pushteteve perceptimi i korrupsionit nisi të ndryshojë pozitivisht duke arritur në nivelin e 38 pikëve në vitin 2017.
Ky është viti që socialistët morën të vetëm qeverisjen e vendit, por korrupsioni shënoi një përkeqësim të perceptimit, dhe Shqipëria zbriti në nivelin e 35 pikëve.