Presidenti i Francës, Emmanuel Macron përkujtoi Holokaustin dhe 76 mijë hebrenjtë francezë që u deportuan në kampet naziste të vdekjes në Luftën e Dytë Botërore.
Pasi vizitoi memorialin “Muri i Emrave” në Paris, ai dënoi gjuhën e urrejtjes dhe rritjen e anti-semitizmit në Francë.
“Rikthimi i anti-semitizmit nuk është një problem i hebrenjve. Por, është i gjithë një problem i yni, i Republikës sonë. Është fytyra e urrejtjes së të tjerëve, është vëllai i racizmit dhe pa dyshim është mohimi i trashëgimisë dhe idealeve tona. Prandaj, ne nuk do të dorëzohemi”, tha Macron.