Policia gjermane ka nisur hetimet pasi doli në treg një birrë me markë në stilin nazist dhe që mendohet se është prodhuar nga aktivistët e të djathtës ekstreme.
Skandali mbi birrën e “Deutsches Reichsbrau” shpërtheu javën kur bota po kujtonte viktimat e Holokaustit.
Birra doli në shitje në një qytezë në shtetin Saksoni-Anhalt, ku grupet e ekstremit të djathtë janë shumë active. Fotot e birrës u postuan në rrjetet sociale nga një shef policie, i cili shkroi se ishte shumë i turpëruar nga kjo gjë.
Një koli birre kushton 18,88 euro dhe shefi i policisë thekson se është shumë zhgënjyes fakti që birra po shitet me ritme të shpejta, madje në disa qyteza është shitur i gjithë furnizimi.
Gjermania ka ligje të forta që ndalojnë përdorimin e simboleve neo-naziste dhe shpërndarjen e ideologjisë neo-naziste.