Mbretëria e Bashkuar konfirmon 2 rastet e para me koronavirus, në Gjermani shkon në 5 numri i të infektuarve

200126135815 01 coronavirus beijing 0126 super 169 600x338

Dy rastet e para të personave të infektuar me koronavirus janë konfirmuar në Mbretërinë e Bashkuar, nga autoritete e shëndetit publik atje.

Pacientët, të cilët janë anëtarë të së njëjtës familje, por kurohen nga Shërbimi Kombëtar Shëndetësor në veriperëndim të Anglisë. “Jemi duke përdorur procedura të testuar të kontrollit të infeksionit për të ndaluar përhapjen e virusit”, tha Prof. Chris Whitty në një deklaratë për mediat, duke shtuar se po punohet për identifikimin e personave të tjerë që kanë pasur kontakte me pacientët e infektuar.

Ndërkohë, në Gjermani ka shkuar në 5 numri i të infektuarve. Rasti është konfirmuar nga Ministria e Shëndetësisë e Landit të Bavarisë. Pacienti, mashkull, ishte i punësuar në të njëjtin vend ku punonin edhe 4 personat e infektuar, të cilët e kishin marrë virusin nga një kolege që kthehej nga Kina. Kjoe e fundit, shtetase kinez, ishte me origjinë nga Shangai dhe që prej diagnostikimit është rikthyer në vendlindje.