Erdhi me shumë bujë tek Fiorentina, një rikthim në Serie A pas eksperiencës me Milanin dhe Sassuolon.
Por vitet e fundit mesfushori me tipare sulmuese Kevin Prince Boateng nuk po gjen rehat, dhe ndryshimet janë të shumta edhe brenda vitit. Ashtu siç ndodhi vitin e kaluar me Sassuolon, ku edhe pse protagonist i një sezoni të mirë në pjesën e parë, vendosi të shkonte tek Barcelona, pa patur mundësi të lejë gjurmë.
Transferimi në Firenze, jo larg nga e dashura Melissa Satta, dukej se do të qetësonte “Princin”, por nuk ishte e thënë.
Një gol i bukur me Napolin nuk mjafton, dhe ganezi i lindur në Berlin po vendosë të transferohet sërish jashtë Serisë A, në Turqi tek Beshiktashi, mungon vetëm zyrtarizimi.